Десaнтис официјално ја започна кампањата за претседателски кандидат од републиканците
- Републиканскиот претседателски кандидат Рон Десантис, гувернер на Флорида, синоќа во Дес Моин, Ајова, официјално ја започна својата кампања за претседателски кандидат на изборите идната година во ноември.
![Десaнтис официјално ја започна кампањата за претседателски кандидат од републиканците](https://new.mia.mk/index.php/images/20230531111934_big_730x400_45.webp )
Вашингтон, 31 мај 2023 (МИА) - Републиканскиот претседателски кандидат Рон Десантис, гувернер на Флорида, синоќа во Дес Моин, Ајова, официјално ја започна својата кампања за претседателски кандидат на изборите идната година во ноември.
Ова беше неговиот прв митинг со поддржувачите откако објави дека влегува во трката во текот на виртуелен настап на Твитер спејсес минатата недела.
- Започнуваме со нашата задача да го вратиме Џо Бајден во неговиот подрум во Делавер, порача Десантис. Тој го искритикува актуелниот претседател на САД дека сето ова време „бил на годишен одмор во Вашингон“.
Во Дес Моин тој беше најавен од локалните републикански лидери предводени од гувернерката Ким Рејнолдс.
Во говорот тој се осврна на неговата агенда како гувернер на Флорида, вклучувајќи ги напорите за забрана на здравствена грижа за промена на полот и промени во законите за јавните школи и за спортските натпревари во однос на прашања за полот.
На настанот се обрати и неговата сопруга Кејси.
Од Ајова, Десантис ќе оди на митинзи во државите Њу Хемпшир и Јужна Каролина. кб/паг/
Фото: ЕПА