Десет пациенти хоспитализирани во изминатите 24 часа поради компликации од Ковид-19
- Десет пациенти се хоспитализирани поради компликации од корона вирусот во изминатите 24 часа во ковид центрите во Скопје и во земјава. Во Скопје е примен еден пациент и девет пациенти во болн
![Десет пациенти хоспитализирани во изминатите 24 часа поради компликации од Ковид-19](https://new.mia.mk/index.php/images/20221107141631_big_730x400_8.webp )
Скопје, 17 јуни 2021 (МИА) - Десет пациенти се хоспитализирани поради компликации од корона вирусот во изминатите 24 часа во ковид центрите во Скопје и во земјава. Во Скопје е примен еден пациент и девет пациенти во болниците низ земјава. Дома се пуштени 22 оздравени пациенти.
Според информациите од Министерството за здравство, на инфективните одделенија во земјава се лекуваат вкупно 90 лица сомнителни и потврдени на Ковид-19. Од нив, 26 се во Скопје и 64 во ковид центрите во болниците во Битола, Штип, Тетово, Велес, Куманово, Охрид, Прилеп, Гостивар, Струга, Струмица и Кичево.
Во ГОБ „8 Септември“ во Скопје има вкупно девет болни, а на Клиниката за инфективни болести и фебрилни состојби 17 пациенти. бак/дма/