Десетици повредени во експлозија на бензинска пумпа во Новосибирск
- Триесет и три лица се повредени во пожар на бензинска пумпа во рускиот град Новосибирск.
![Десетици повредени во експлозија на бензинска пумпа во Новосибирск](https://new.mia.mk/index.php/images/20221107125407_big_730x400_33.webp )
Новосибирск, 14 јуни 2021 (МИА) - Триесет и три лица се повредени во пожар на бензинска пумпа во рускиот град Новосибирск. Според дел од локалните медиуми, кои се повикуваат на неофицијални податоци, во инцидентот се повредени најмалку 41 лице, од кои две се во сериозна здравствена состојба.
Пламенот предизвика серија експлозии на резервоари за течно гориво. Снимките од очевидци го покажуваат обемот на најголемата експлозија во таа област.
Меѓу повредените има и двајца пожарникари, кои меѓу првите пристигнале да го изгаснат пожарот, кој зафати површина од 800 квадратни метри. Според локалните власти, нема закана за околните станбени згради. ссм/