Денковски: Сакаме победа против Ерменија пред домашна публика
- Македонската фудбалска репрезентација до 21 година интензивно се подготвува во Скопје за предизвикот што ја очекува во рамките на квалификацискиот циклус за пласман ЕП 2023 во Романија и Груз
![Денковски: Сакаме победа против Ерменија пред домашна публика](https://new.mia.mk/index.php/images/20221113145210_big_730x400_99.webp )
Скопје, 31 мај 2022 (МИА) – Македонската фудбалска репрезентација до 21 година интензивно се подготвува во Скопје за предизвикот што ја очекува во рамките на квалификацискиот циклус за пласман ЕП 2023 во Романија и Грузија.
Голманот на штипска Брегалница и еден од најдобрите во овој квалификациски циклус, Давид Денковски ги сподели своите очекувања за претстојните мечеви против Ерменија и Украина.
- Тренираме и работиме вредно, атмосферата во тимот е добра. Не очекуваат последните два натпревари од овој квалификациски циклус кои ќе ги играме со посебни емоции. Сакаме да ја завршиме нашата приказна како што треба, со победи и да оставиме добар впечаток за крај. За мене и за повеќето играчи кои се родени 2001 година ова ќе биде последен циклус во селекцијата до 21. Се надевам дека следните генерации ќе успеат да направат поголем успех од нас. Првиот меч против Ерменија го играме дома, фокусирани сме целосно на тој натпревар, сакаме да оствариме победа, бидејќи играме пред нашите навивачи и семејства. Последниот меч од квалификациите играме против Украина, се работи за добар и квалитетен национален тим со одлични индивидуалци, но ние сакаме да оствариме добар резултат и на тој меч, истакна Денковски.
Натпреварот против Ерменија во рамките на 9. коло во групата Х од квалификациите ќе се игра на 2 јуни (17 часот) на тренинг центарот „Петар Милошевски" во Скопје. зс/