Демократски сојуз: Техничка влада на непринципиелна коалиција
- Демократскиот сојуз не поддржува формирање на техничка влада, а уште помалку со премиер од редовите на ДУИ.
![Демократски сојуз: Техничка влада на непринципиелна коалиција](https://new.mia.mk/index.php/images/20231209141246_big_730x400_36.webp )
9 декември 2023
Демократскиот сојуз предупредува на кршење на Охридскиот рамковен договор и на Амандман 6 од Уставот на Македонија, со тоа што ќе се формира техничка влада која дополнително ги суспендира и крши одредбите и начелата на соодветна и правична застапеност на сите етнички заедници.
Со доминацијата на ДУИ, која има само 13 пратеници од вкупно 120 пратеници, се покажува и потврдува определбата на СДСМ по секоја цена да биде на власт, не водејќи сметка за националните и државни интереси, како и за интересите на мнозинскиот македонски народ.
Сакаме да предупредиме дека ваквата политика нема поддршка од мнозинството граѓани и не поминуваат манипулациите дека тоа е Европски фронт, итн.
Овој преседан кој го наметна Ковачевски има силни рефлексии на меѓуетничките односи, како и на натамошна дуизација и криминализација на државата, неодговорноста и неказнивоста на политичката мафија која владее со Македонија.
Инаку, Демократскиот сојуз е за граѓански концепт и функции да добиваат најспособните, без разлика на етничка, верска или партиска припадност. Тоа треба да важи за сите етнички заедници, без Бадентер и Балансер. Не може овие правила да се злоупотребуваат само во интерес на ДУИ.
Демократскиот сојуз не поддржува формирање на Техничка Влада,а уште помалку со премиер од редовите на ДУИ.
Демократски сојуз
Фото: МИА архива
___________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.