Уагадугу, 7 август 2024 (МИА) - Делегација на рускиот нуклеарен гигант „Росатом“ пристигна вчера во четиридневна посета на Буркина Фасо за да го оцени проектот за изградба на електрана заедно со владата на оваа слабо наелектризирана земја, пренесоа француските медиуми. 

Во октомври 2023 година, владата на Буркина Фасо и Русија потпишаа договор во Москва за изградба на нуклеарна централа. Двете земји се зближија откако воениот режим предводен од капетанот Ибрахим Траоре дојде на власт со државен удар во Буркина Фасо во септември 2022 година.

-Делегацијата на „Росатом“ пристигна да разговара за техничките аспекти што ќе ни овозможат да ги претставиме сите предуслови за подготовка и почеток на изградбата на оваа фабрика, рече министерот за енергија, рудници и каменолом на Буркина Фасо, Јакуба Забре Губа на крајот од работниот состанок. 

Главниот инженер на „Росатом“ рече дека ќе дадат се од себе за да се реализира изградбата на нуклеарната централа што е можно побрзо, без да прецизира датум. 

Според Африканската банка за развој (АДБ), на крајот на 2020 година, само 22,5 отсто од населението на Буркина Фасо, главно во урбаните области, имало пристап до електрична енергија.

Во моментов има само една нуклеарна централа на африканскиот континент - нуклеарната централа Коберг во близина на Кејп Таун, Јужна Африка. мс/

фото: МИА архива