Скопје, 31 мај 2022 Делегацијата на Бошњачкиот демократски сојуз предводена од претседателот Мунир Колашинац и претседателот на Бошњачкиот национален совет – Џеват Хот беа дел од координацијата за национални прашања која се одржи во Босна и Херцеговина. На истоимената координација, претседателот на Бошњачкиот демократски сојуз и претседателот на Бошњачкиот национален совет остварија средба со претседавачот на претседателството на Босна и Херцеговина - Шефик Џаферовиќ и градоначалничката на Сараево – Бењамина Лондрц Кариќ. -За време на посетата на Босна и Хецеговина остваривме средба со претседавачот на претседателството на Босна и Херцеговина - Шефик Џаферовиќ и градоначалничката на Сараево – Бењамина Лондрц Кариќ, на која имавме можност да ги разгледаме сите национални прашања што ги засегаат обете страни и воедно да ги размениме мислењата и ставовите за нашите идни планови и можности за подобрување на истите, изјави претседателот на Бошњачкиот демократски сојуз.   Бошњачки демократски сојуз ————————————————————————————————————————— МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.