Дезинфицирани улиците на Карпош за време на полицискиот час
- За време на полицискиот час викендов активно работеа комуналните служби на Општина Карпош кои миеја и дезинфицираа улици во урбаните заедници „Владо Тасевски“ (Млечен), Карпош 1 и Карпош 2.
![Дезинфицирани улиците на Карпош за време на полицискиот час](https://new.mia.mk/index.php/images/20221103020903_big_730x400_25.webp )
Скопје, 12 април 2020 (МИА) - За време на полицискиот час викендов активно работеа комуналните служби на Општина Карпош кои миеја и дезинфицираа улици во урбаните заедници „Владо Тасевски“ (Млечен), Карпош 1 и Карпош 2.
Интензивно работеа двете цистерни на локалната самоуправа, со кои во изминатиот период се дезинфицираа голем број јавни површини - локални улици, плоштади, платоа, фреквентни места.
-Градоначалникот Стефан Богоев, кој го предводи и Општинскиот кризен штаб, во текот на викендот, направи обиколка низ населбите во Карпош, Пожарната бригада и маалските дежурни продавници. Воочливо е дека граѓаните го почитуваат полицискиот час, а субјектите кои имаат дозвола за достава на храна и лекови работат по претходни нарачки од страна на граѓаните, соопшти Општина Карпош., која ги повикува сите граѓани да се придржуваат до мерките за заштита од коронавирус. хс/лв/
![thumbnail_IMG_7548](/articles/images/dezinficirani-ulicite-na-karposh-za-vreme-na-policiskiot-chas/onirR2l46/placeholder.webp?use_watermark=0)