Дезинфицирани улиците и јавните површини во гевгелиско
- Припадниците на комуналното претпријатие и пожарникарите во соработка со ПЕ на центарот за јавно здравје, викендов додека траеше до сега најдолгата временска забрана за движење, извршија цело
![Дезинфицирани улиците и јавните површини во гевгелиско](https://new.mia.mk/index.php/images/20221103021144_big_730x400_90.webp )
Гевгелија,13 април 2020 (МИА) - Припадниците на комуналното претпријатие и пожарникарите во соработка со ПЕ на центарот за јавно здравје, викендов додека траеше до сега најдолгата временска забрана за движење, извршија целосна дезинфекција на сите улици, тротоари и јавни површини во Гевгелија.
Согласно мерките донесени од главниот и општинскиот кризен штаб за заштита од ширењето на коронавирусот, од општината соопштија дека дисциплинираното почитување на забраната за движење од страна на граѓаните во Гевгелија им овозможило на комуналците и пожарникарите ефикасно да ја спроведат дезинфекцијата во функција на справување со пандемијата на Ковид-19.
Целосната дезинфекција, која во градот се спроведува секој петти ден, целосно ќе заврши денеска со дезинфицирање на улиците и јавните површини во сите населени места на територијата на општина Гевгелија.им/бт/