Дебар, 17 ноември 2023 (МИА) - Каратистката на дебарскиот карате клуб "Дибра",Сара Дука која е дел од карате репрезентацијата на Република Северна Македонија освои бронзен медал на Балканскиот шампионат што се одржува во Љубљана, Словенија.

Сара Дука настапи во категоријата јуниорки до 48 килограми.

- Извојува победи и тоа во првото коло против претставничката на Турција, во второто против претставничката на Грција, во третото коло загуби од претставничката на Турција и во четвртото коло победи откако претставничката на Србија беше дисквалификувани поради пет направени грешки, изјави за МИА, Дурим Пачуку, тренер на КК "Дибра" и еден од тренерите на нашата репрезентација.

На 23.Балканско првенство кое се одржува во салата Тиволи во Љубљана, дел од репрезентацијата на Северна Македонија се и дебарските каратистки Ера Коџа во категоријата U21- 68  и Влера Села, кадети до 54 килограми. 

Според Пачуку, во недела Сара Дука и Ера Коџа ќе настапат во екипна конкуренција. вт/вг/

Фото: КК"Дибра"