Двоен пораз на македонските кошаркарски кадети од Романија
- Македонските кадетски кошаркарски репрезентации во машка и женска конкуренција со порази од соодветните селекции на Романија го завршија вечерва настапот на ФИБА развојниот турнир „Заедно до 16“ чиј домаќин од средата беше Скопје.
![Двоен пораз на македонските кошаркарски кадети од Романија](https://new.mia.mk/index.php/images/20231105173455_big_730x400_84.webp )
Скопје, 5 ноември 2023 (МИА) – Македонските кадетски кошаркарски репрезентации во машка и женска конкуренција со порази од соодветните селекции на Романија го завршија вечерва настапот на ФИБА развојниот турнир „Заедно до 16“ чиј домаќин од средата беше Скопје.
Женската репрезентација во завршното коло претрпе пораз од Романија со 75-43 и настапот на ФИБА турнирот го заврши со ефект од една победа и три порази. Избраничките на селекторот Горан Крстевски на стартот беа поуспешни од Косово, а во следните два натпревари беа поразени од Турција и Романија.
Најефикасни вечерва во македонските редови беа Пислевска и Трајковска со по 12 поени.
На машкиот турнир, македонските кошаркари го завршија настапот со пораз од Романија од 63-53.
Избраниците на селекторот Владимир Мирковски на турнирот што се одржа во СРЦ „Кале“ претходно забележаа триумфи над Косово и Бугарија, а во третото коло беа поразени од Турција. ег/вј/
Фото: КФСМ