Движењето ЗНАМ – За наша Македонија отвори простории на Изборниот штаб во Охрид
- СООПШТЕНИЕ
![Движењето ЗНАМ – За наша Македонија отвори простории на Изборниот штаб во Охрид](https://new.mia.mk/index.php/images/20240313215534_big_730x400_62.webp )
Скопје, 13 март 2024
Движењето ЗНАМ – За наша Македонија вечерва ги отвори просториите на Изборниот штаб на Движењето во Охрид.
Пред присутните членови и симпатизери на Движењето се обрати Максим Димитриевски, претседател на ЗНАМ и негов кандидат за Претседател на Македонија на претстојните претседателски избори.
„Ме радува што и во Охрид ве гледам во вака голем број на отворањето на просториите на ЗНАМ, кадешто вие граѓаните можете да дојдете и активно да се вклучите во движењето, да дадете придонес во промените кои доаѓаат во Македонија“, рече Димитриевски и додаде дека се радува и што луѓето, граѓаните ја препознаваат различноста на ЗНАМ и поддршката од ден на ден се повеќе се зголемува.
„Јас сакам Македонија да биде управувана од владата, но контролирана од претседателот на државата. Тоа е мојата цел. Мојот долг како претседател, ќе биде долг единствено кон обичниот граѓанин и кон сите оние коишто застанале зад мојата кандидатура“, рече Димитриевски.
Тој посочи дека оваа позитивна енергија ќе придонесе нештата во Македонија да се сменат и после изборите никогаш да не се исти.
„Сакаме власта преку ЗНАМ да ја вратиме во рацете на граѓаните и да бидеме вистински претставници на нивните интереси. Само така Македонија ќе може да излеззе од оваа состојба на тонење и разградување, кое трае речиси 30 години. Време е да се обединиме и сите заедно да обезбедиме подобра иднина за идните генерации“, рече Димитриевски пред членовите и симпатизерите на Движењето ЗНАМ – За наша Македонија, во Охрид.
Движење ЗНАМ – За наша Македонија
________________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.