Две тепачки меѓу млади во Тиквешијата
- Две тепачки меѓу млади се случиле вчера во Тиквешијата, информираше денеска Верољуб Додевски, портпарол на СВР Велес.
![Две тепачки меѓу млади во Тиквешијата](https://new.mia.mk/index.php/images/20221108155106_big_730x400_59.webp )
Кавадарци, 6 септември 2021 (МИА) - Две тепачки меѓу млади се случиле вчера во Тиквешијата, информираше денеска Верољуб Додевски, портпарол на СВР Велес.
- Синоќа околу 23:30 часот во СВР Велес било пријавено дека во село Криволак, по кратка вербална расправија, настанала физичка пресметка помеѓу А.П. (21) и С.Ш. (21), двајцата од селото, појасни Додевски.
Тој соопшти дека претходно, во Полициската станица Кавадарци, Д.К. (20) пријавил дека околу 1:00 часот на улицата „Илинденска“ во Кавадарци, бил физички нападнат од Љ.М. (20).
По целосно документирање на случаите, ќе бидат поднесени соодветни пријави. свд/аа/