Две ваги на кратко го блокираа сообраќајот на „Партизанска“
- Две ваги се пронајдени на булеварот „Партизански одреди“ за кои полицијата вечерва доби дојава дека на дел од булеварот има непозната направа.
![Две ваги на кратко го блокираа сообраќајот на „Партизанска“](https://new.mia.mk/index.php/images/20221104201434_big_730x400_4.webp )
Скопје, 17 септември 2020 (МИА) - Две ваги се пронајдени на булеварот „Партизански одреди“, за кои полицијата вечерва доби дојава дека на дел од булеварот има непозната направа.
Од МВР за МИА информираа дека вечерва околу 19 часот е добиена дојава дека има непозната направа на бул.„Партизански одреди“ во Скопје.
-Веднаш се преземени соодветни мерки за обезбедување на просторот и упатени тимови за проверки по што е утврдено дека станува збор за две ваги, соопштија од МВР.
Сообраќајот по булеварот се одвива нормално. бк/нд/
Фото: МИА архива