Двајца мажи совладале напаѓач иако биле повредени од него со остар предмет
- Двајца мажи успеале да совладат 44 годишник кој претходно прво нападнал и ограбил 69 годишник, па со нож ги повредил и нив. Настанот се случил вчера утро на улицата „29 Ноември“ во Тетово.
![Двајца мажи совладале напаѓач иако биле повредени од него со остар предмет](https://new.mia.mk/index.php/images/20221108012501_big_730x400_95.webp )
Тетово, 16 август 2021 (МИА) - Двајца мажи успеале да совладат 44 годишник кој претходно прво нападнал и ограбил 69 годишник, па со нож ги повредил и нив. Настанот се случил вчера утро на улицата „29 Ноември“ во Тетово.
- Полициски службеници од Полициска станица Тетово го лишиле од слобода О.Ф.(44) од Тетово затоа што околу 08.00 часот од Х.Н.(69) од Тетово одзел пари и со остар предмет повредил две лица кои го спречиле да побегне. Тој бил задржан во полициска станица и по целосно документирање на случајот ќе биде поднесена соодветна пријава, информираат од СВР Тетово.
Полицијата вчера бележи и приведување поради физички напад на сопругот над сопругата во Камењане кој агресивно се однесувал и кон нивните деца. Од Тетово 49 годишна жена пријавила дека таа дека таа и нејзиниот малолетен син биле физички нападнати од лице со иницијали А.Е., за што се преземаат мерки за расчистување на случајот. ас/цр