Двајца демократи исфрлени од Претставничкиот дом поради учество во протести
- Републиканците, кои имаат мнозинство во ова тело, гласаа за исклучување на претставниците Џастин Џонс и Џастин Пирсон, двајца млади афроамерикански пратеници.
![Двајца демократи исфрлени од Претставничкиот дом поради учество во протести](https://new.mia.mk/index.php/images/20230407150411_big_730x400_77.webp )
Вашингтон, 7 април 2023 (МИА) - Републиканците кои го контролираат Претставничкиот дом на сојузната американска држава Тенеси исфрлија двајца демократски претставници кои, како што велат, ги прекршиле правилата со учеството на минатонеделните протести со барање за построга контрола на оружјето.
Републиканците, кои имаат мнозинство во ова тело, гласаа за исклучување на претставниците Џастин Џонс и Џастин Пирсон, двајца млади афроамерикански пратеници.
Обидот да се гласа за исклучување на третата претставничка на Демократската партија, Глорија Џонсон, бела жена која исто така учествуваше на протестот, пропадна бидејќи недостасуваше еден глас.
Пратениците со часови дебатираа за исклучувањето на демократските претставници, што е прва ваква акција преземена без двопартиска поддршка во модерната историја на Тенеси, забележува Би-Би-Си.
Барањето за исклучување на тројцата демократски претставници дојдоа по протестот на кој присуствуваа минатата недела, само неколку дена откако шест лица, вклучително и три деца, беа убиени во пукање во училиштето Ковенант во Нешвил.
Илјадници луѓе се собраа во близина на Парламентот во Нешвил за да ги поддржат тројцата демократи кои учествуваа во протестите барајќи поголема контрола на оружјето, додава Гласот на Америка.
“We wanted to ban assault weapons, they wanted to assault democracy”.
— March For Our Lives ☮️ (@AMarch4OurLives) April 7, 2023
This is a power unlike any other that #Tennessee has ever seen.
Lawmakers underestimate the power of Gen-Z right now. pic.twitter.com/f5tH7QRtSH
Демонстрантите толку гласно скандираа пред зградата што ја прекинаа работата на седницата. Во Претставничкиот дом на Тенеси има 75 републиканци и 23 демократи. ссм/
фото: принтскрин Твитер