Дваесет лица загинаа во израелскиот напад врз бегалскиот камп Нусеират
- Дваесет лица загинаа пред да зазори во израелски воздушен напад врз куќа во бегалскиот камп Нусеират, во централниот дел на Појасот Газа, уништен за време на војната, соопштија од болницата Ал Акса и потврдија очевидци.
![Дваесет лица загинаа во израелскиот напад врз бегалскиот камп Нусеират](https://new.mia.mk/index.php/images/20240519113711_big_730x400_95.webp )
Газа, 19 мај 2024 (МИА) - Дваесет лица загинаа пред да зазори во израелски воздушен напад врз куќа во бегалскиот камп Нусеират, во централниот дел на Појасот Газа, уништен за време на војната, соопштија од болницата Ал Акса и потврдија очевидци.
„Примивме 20 убиени луѓе и неколку ранети откако израелски воздушен напад беше насочен кон куќа на семејството Хасан во бегалскиот камп Нусеират во центарот на Газа“, се вели во соопштението на болницата.
Очевидци изјавија дека нападот бил извршен околу 3 часот по локално време. Израелската војска соопшти дека го проверува извештајот.
Официјалната палестинска новинска агенција објави дека меѓу ранетите има неколку деца и дека спасувачките екипи трагаат по затрупаните луѓе во урнатините.
Израелската војска вели дека спроведува само целни операции.
Очевидци велат дека се слушнале експлозии и дека борбите во Џабалија траеле цела ноќ. рп/
Фото: МИА архива