Даниелс прв професионален британски фудбалер кој се изјасни како хомосексуалец
- Оваа сезона беше фантастична за мене, го потпишав својот прв професионален договор, постигнав 30 голови за резервниот тим и го одиграв својот прв натпревар за првата екипа, истакна 17-годишни
![Даниелс прв професионален британски фудбалер кој се изјасни како хомосексуалец](https://new.mia.mk/index.php/images/20221113134440_big_730x400_53.webp )
Лондон, 16 мај 2022 (МИА) – Напаѓачот на англискиот второлигаш Блекпул, Џејк Даниелс, стана првиот активен британски фудбалер кој обелодени јавно дека е хомосексуалец.
- Оваа сезона беше фантастична за мене, го потпишав својот прв професионален договор, постигнав 30 голови за резервниот тим и го одиграв својот прв натпревар за првата екипа, истакна 17-годишниот Даниелс во соопштението до јавноста. Надвор од теренот ја криев вистината за тоа кој, всушност, сум јас. Целиот свој живот знаев дека сум хомосексуалец и сега се чувствувам подготвен да излезам во јавноста и да бидам свој, порача напаѓачот на Блекпул.
Во текот на 90-те години од минатиот век, Џастин Фашану беше првиот британски фудбалер кој отворено сподели со јавноста дека е хомосексуалец, но тој настапуваше на аматерско ниво кога ја обелодени својата сексуална ориентација во интервју за лондонски „Сан“.
Откако го заврши интервјуто беше жртва на хомофобично насилство, а осум години подоцна изврши самоубиство. ег/сд/