Давеник во Струга, повозрасна жена од Ресен најдена во Охридското Езеро
- Во водите на Охридското Езеро во близина на плажа во Струга вчера бил најден давеник. СВР Охрид соопшти дека по направениот увид било утврдено дека се работи за 67-годишна жена од Ресен.
![Давеник во Струга, повозрасна жена од Ресен најдена во Охридското Езеро](https://new.mia.mk/index.php/images/20230726123405_big_730x400_13.webp )
Струга, 26 јули 2023 (МИА) - Во водите на Охридското Езеро во близина на плажа во Струга вчера бил најден давеник.
СВР Охрид соопшти дека по направениот увид било утврдено дека се работи за 67-годишна жена од Ресен.
- Во ОВР Струга, вчера во 15 часот и 25 минути е пријавено дека, во водите на Охридското Езеро, во близина на плажа во Струга, забележано е безживотно тело. Од извршениот увид, констатирано е дека се работи за Ф.С.(67) од Ресен, појасни портпаролот на СВР Охрид Стефан Димоски.
Доктор од Здравствениот дом и Итната медицинска помош од Струга, констатирале смрт без траги на насилство. По наредба на јавен обвинител, врз телото на починатата ќе биде извршена обдукција. сс/дма/
Фото: МИА архива