Гутереш апелира за итно враќање на владеењето на правото во Тиграј
- Генералниот секретар на Обединети нации, Антонио Гутереш синоќа апелираше за повторно итно воспоствување на владеењето на правото и почитување на човековите права по вооружените судири во сев
![Гутереш апелира за итно враќање на владеењето на правото во Тиграј](https://new.mia.mk/index.php/images/20221105124134_big_730x400_29.webp )
Њујорк, 8 декември 2020 (МИА) - Генералниот секретар на Обединети нации, Антонио Гутереш синоќа апелираше за повторно итно воспоствување на владеењето на правото и почитување на човековите права по вооружените судири во северната етиописка провинција Тиграј.
Тој побара да почне процесот на помирување и да се обезбеди пристап за хуманитарните организации и достава на помош за загрозеното население.
Претставникот на ОН, Стефан Диџарик изјави дека генералниот секретар воспоставил „активен дијалог“ со премиерот на Етиопија, Абиј Ахмед и оти е „многу загрижен поради моменталната ситуација“ воТиграј.
Ахмед на 28 ноември по едномесечните вооружени судири помеѓу етиописката армија и бунтовниците во Тиграј прогласи победа. Во некои делови на Тиграј борбите се уште траат, а лидерите на бунтовниците се во бегство, поради што постои ризик од повторна ескалација на судирите.
Во меѓувреме се блокирани испоракие на хуманитарната помош и лекови, иако ОН минатата недела потпишаа договор со етиописката Влада да им се овзможи пристап до деловите на Тиграј, што се под контрола на армијата на Етиопија. ми/