Гувернерот на Мериленд бара од Конгресот да одобри средства за обнова на мостот во Балтимор
- Гувернерот на американската сојузна држава Мериленд, Вес Мур денеска ги повика републиканците да соработуваат со демократите во Конгресот за да ги одобрат федералните средства потребни за обнова на мостот во Балтимор и за подобрување на пристанишната економија.
![Гувернерот на Мериленд бара од Конгресот да одобри средства за обнова на мостот во Балтимор](https://new.mia.mk/index.php/images/20240401164711_big_730x400_73.webp )
Анаполис, 1 април 2024 (МИА) - Гувернерот на американската сојузна држава Мериленд, Вес Мур денеска ги повика републиканците да соработуваат со демократите во Конгресот за да ги одобрат федералните средства потребни за обнова на мостот во Балтимор и за подобрување на пристанишната економија.
Тој изјави дека републиканците треба да бидат подготвени да одобрат финансирање, не само за градот Балтимор, туку и за националната економија на САД.
„Треба да се погрижиме да се движиме навистина брзо за да ја поттикнеме американската економија повторно, бидејќи пристаништето Балтимор е клучно за нашиот поголем економски раст“, рече Мур. рп/
Фото: МИА архива