Гросо повеќе не е тренер на Лион
- Тренерот на Лион, Фабио Гросо го напушта тимот, објавено е на официјалниот сајт на францускиот фудбалски клуб.
![Гросо повеќе не е тренер на Лион](https://new.mia.mk/index.php/images/20231130170240_big_730x400_75.webp )
Лион, 30 ноември 2023 (МИА) - Тренерот на Лион, Фабио Гросо го напушта тимот, објавено е на официјалниот сајт на францускиот фудбалски клуб.
- Лион сака да им се заблагодари на Фабио Гросо и неговите помошници за нивната работа и професионализам откако го презедоа, се вели во соопштението на клубот.
Во блиска иднина, тимот ќе го предводи шефот на младинскиот оддел на Лион, Пјер Сејџ. Претходно, 44-годишниот Французин беше тренер на младинскиот тим.
Гросо беше на чело на Лион од септември оваа година. Под негово водство, тимот одигра седум натпревари, од кои победи еднаш, двапати ремизираше и загуби на четири натпревари.
Во последниот натпревар Лион загуби на домашен терен од Лил (0:2) во натпреварот од 13. коло на француската Лига 1.
Со седум бодови Лион го зазема последното место во францускиот шампионат. зс/
Фото: ЕПА