Гроси за Си-ен-ен: Опаѓа нивото на водата во резервоарите за ладење на реакторите во НЕ Запорожје, се заканува катаклизма доколку останат без вода
- -Таму има резервоар и голем број внатрешни канали кои обезбедуваат водата постојано да циркулира за да може постојано да се ладат реакторите. Ако централата остане без вода, тогаш ќе имаме многу сериозна ситуација, изјави вчера Гроси во интервју за Си-ен-ен.
![Гроси за Си-ен-ен: Опаѓа нивото на водата во резервоарите за ладење на реакторите во НЕ Запорожје, се заканува катаклизма доколку останат без вода](https://new.mia.mk/index.php/images/20230608082236_big_730x400_79.webp )
Виена, 8 јуни 2023 (МИА) - Генералниот директор на Меѓународната агенција за атомска енергија (МААЕ), Рафаел Гроси, изјави дека нивото на водата во резервоарите за ладење на реакторот во нуклеарната централа Запорожје опаѓа за пет до седум сантиметри на час и посочи дека доколку најголемата нуклеарна централа во Европа остане без вода, тоа би било многу сериозна ситуација.
-Таму има резервоар и голем број внатрешни канали кои обезбедуваат водата постојано да циркулира за да може постојано да се ладат реакторите. Ако централата остане без вода, тогаш ќе имаме многу сериозна ситуација, изјави вчера Гроси во интервју за Си-ен-ен.
Според него, не постои ризик веднаш да исчезне водата што е таму, но состојбата е сериозна бидејќи нивото на водата континуирано се намалува.
Од почетокот на војната во Украина, Запорожје неколку пати беше во критична ситуација, поради гранатирање, што предизвика гасење на реакторот.
Сега ситуацијата повторно е неизвесна поради уништувањето на браната Каховка и поплавниот бран што се упати кон населените места. Тоа, пак, предизвика пад на нивото на водата во системите за ладење на оваа нуклеарна централа. сд/