Њујорк, 16 октомври 2023 (МИА) - Мартин Грифитс шеф за хуманитарна помош од ОН, денеска изјави дека ќе отпатува на Блискиот Исток за да ги поддржи преговорите за добивање помош во блокираниот Појас Газа.

Грифитс рече дека неговата канцеларија е во „длабоки разговори“ со Израел, Египет и други.

-Ни треба пристап за помошта... Одам утре во регионот за да се обидам да помогнам во преговорите, да се обидам да сведочам и да изразам солидарност со извонредната храброст на многуте илјадници хуманитарни работници кои го задржаа курсот и кои сè уште се таму и им помагаат на луѓето во Газа и на Западниот Брег, нагласи тој во изјавата. мс/

фото: МИА архива