Париз, 9 септември 2020 (МИА) - Напаѓачот на Франција, Антоан Гризман беше задоволен од победата над Хрватска во Лигата на нации (4:2). Тој истакна дека резултатот на натпреварот го потсети на финалето на Светското првенство 2018, во кое Французите исто така ги победија Хрватите со 4:2.

• 4-2! Резултат што буди убави спомени. Напред Франција! - напиша Гризман на Инстаграм.

По две кола во Групата 3 од А дивизијата на Лигата на нации, Франција и Португалија имаат максимални шест бода, додека Хрватска исто како и Шведска се без осоен бод. зс/