Гран при на Малезија може да се врати во календарот на Ф1 во 2026 година
- Трката од Формула 1 шампионатот во Сепанг би можела да се врати во 2026 година.
![Гран при на Малезија може да се врати во календарот на Ф1 во 2026 година](https://new.mia.mk/index.php/images/20240131140129_big_730x400_2.webp )
Лондон, 31 јануари 2024 (МИА) - Трката од Формула 1 шампионатот во Сепанг би можела да се врати во 2026 година.
Според Ројтерс, повикувајќи се на три независни извори, зад проектот стои малезиската државна нафтена компанија „Petroliam Nasional“, попозната како „Petronas“ во Формула 1.
Малезија беше домаќин на Големата награда на Формула 1 од 1999 година, но последната трка таму се одржа во 2017 година. После тоа, поради намалувањето на продажбата на билети и зголемените трошоци за одржување на натпревари, Формула 1 трката мораше да се напушти.
Во исто време, Мото ГП етапата редовно се одржува во Сепанг. зс/
Фото: ЕПА