Град Скопје: Казнети шест превозници, изречени три казни за прекршување на јавната чистота
- Инспекторите за патен сообраќај на Град Скопје вршат редовни контроли со цел сузбивање на дивите превозници на подрачјето на градот и во текот на изминатиот месец проверени се 18 превозници,
![Град Скопје: Казнети шест превозници, изречени три казни за прекршување на јавната чистота](https://new.mia.mk/index.php/images/20221112034720_big_730x400_26.webp )
Скопје, 27 јануари 2022 (МИА) - Инспекторите за патен сообраќај на Град Скопје вршат редовни контроли со цел сузбивање на дивите превозници на подрачјето на градот и во текот на изминатиот месец проверени се 18 превозници, од кои на шест им се изречени казни, информираат од скопската локална самоуправа.
- Воедно, екипи на Инспекторатот на Град Скопје изминатата недела извршија засилени контроли на терен за почитување на комуналниот ред и јавната чистота и изречени се три казни за прекршување на Законот за јавна чистота, соопштуваат од Градот.
Оттаму истакнуваат дека го продолжуваат засилениот инспекциски надзор за да овозможи почитување на прописите, a инспекторатот продолжува со засилени контроли и на јавните површини.
- Неселективно ќе се санкционираат сите што не го почитуваат законот, ја загадуваат животната средина и го загрозуваат животот и здравјето на граѓаните, потенцираат од Град Скопје. ир/сп/