Град Скопје: Санација на 36 мостови, надвозници и пешачки патеки
- Град Скопје информира дека, во соработка со Јавното претпријатие „Улици и патишта“, од почетокот на годината отпочна со проект за санација на 36 мостови, надвозници и пешачки патеки.
![Град Скопје: Санација на 36 мостови, надвозници и пешачки патеки](https://new.mia.mk/index.php/images/20230930150655_big_730x400_45.webp )
Скопје, 30 септември 2023 (МИА) - Град Скопје информира дека, во соработка со Јавното претпријатие „Улици и патишта“, од почетокот на годината отпочна со проект за санација на 36 мостови, надвозници и пешачки патеки.
- Дел од мостовите и надвозниците како повеќедецениски предизвик, и покрај потребата, не биле санирани, а неопходни се реконструкции на коловози, тротоари и огради, со што значително ќе се придонесе за зголемување на безбедноста. Со системско следење на надлежностите ќе се постигнат позитивни резултати, затоа што за овие инфраструктурни објекти неопходен е континуиран мониторинг со цел навремено санирање и редовно одржување, велат од Град Скопје.
Од локалната самоуправа посочуваат дека досега се завршени градежните активности за санација на оштетените патеки на мостот „Обединети нации“ со што е реализирано барањето на пешаците и велосипедистите кои секојдневно го користат овој мост, со што се овозможува зголемена безбедност за сите учесници во сообраќајот.
- Во текот на градежните работи заменети се оштетените подни бетонски плочи со нови, реконструирани се патеките и санирана е заштитната ограда на мостот. Градежните работи на патеките, со должина од 90 метри и широчина од два метри, на терен ги изведоа екипите на ЈП „Улици и патишта“, соопштуваат од Градот. ир/ев/
Фото: Град Скопје