Голем пожар избувна кај Струмица
- Голем пожар избувна денеска во 12:45 часот во атарот на село Костурино, кај Струмица. Горат запалено стрниште, нискостеблеста шума и стари гуми.
![Голем пожар избувна кај Струмица](https://new.mia.mk/index.php/images/20230804145924_big_730x400_56.webp )
Струмица, 4 август 2023 (МИА) - Голем пожар избувна денеска во 12:45 часот во атарот на село Костурино, кај Струмица. Горат запалено стрниште, нискостеблеста шума и стари гуми.
Како што информираа од ТППЕ Струмица пожарот го гаснат пет противпожарни возила и 15 пожарникари.
Посочуваат дека пожарот бил во разгорена фаза, но е спречено негово натамошно ширење кон околната шума.
Причинета е значителна материјална штета, а екипите се уште се на терен и работат на целосно гаснење на пожарот. рт/дма/
Фото: ТППЕ Струмица