Голем пожар во хотел во Мадрид
- Голем пожар избувна во хотелот Нуево во Мадрид, а голем пламен се издига од едниот агол од фасадата на висококатницата.
![Голем пожар во хотел во Мадрид](https://new.mia.mk/index.php/images/20221107120843_big_730x400_53.webp )
Мадрид, 3 јуни 2021 (МИА) - Голем пожар избувна во хотелот Нуево во Мадрид, а голем пламен се издига од едниот агол од фасадата на висококатницата.
Хотелот се наоѓа веднаш до северниот дел од главната обиколница М-30 во главниот град на Шпанија.
Првичните извештаи на шпанските медиуми наведуваат дека сè уште нема индиции за причината за пожарот, ниту дали има повредени.
Пожарникари од најмалку пет противпожарни станици се наоѓаат на местото на настанот.
Може да се забележи дека дури и буквите на таблата на покривот на хотелот се во оган.
Отворен во 2005 година, хотелот со 225 соби е познат по својот импресивен атриум висок 40 метри. гт/