Голем пожар во Свердловск кај Урал - досега едно лице загина, а изгореа 178 згради
Свердловск, 26 април 2023 (МИА) - Најмалку едно лице загина, а повеќе од 178 згради се уништени од пожарите што беснеат низ руската област Свердловск, во подножјето на Урал, соопшти руското Министерство за вонредни ситуации.
На снимки на социјалните мрежи се гледа како пламенот зафаќа куќи и дрвја, а чад го покрива небото.
„Пожарот уништи 178 згради, од кои 134 станбени и 32 нестанбени згради“, соопшти Министерството за вонредни ситуации во порака на Телеграм.
Пожарот е проширен кон селата Шосва и Тајежни и досега проголта вкупно површина поголема од 11.000 квадратни метри. Во селото Шосва загина едно лице.
Причината за пожарот се уште не е позната.
Руските служби за итни случаи објавија дека повеќе од 380 лица биле вклучени во обидите за негово ставање под контрола. сд/
