Големи редици за купување марихуана во Чикаго
- Голем број жители на Чикаго на 1 јануари чекаа во ред за да купат марихуана, која од првиот ден во новата година се продава легално за рекреативна употреба во Илиноис.
![Големи редици за купување марихуана во Чикаго](https://new.mia.mk/index.php/images/20221102112911_big_730x400_48.webp )
Чикаго, 2 јануари 2020 (МИА) - Голем број жители на Чикаго на 1 јануари чекаа во ред за да купат марихуана, која од првиот ден во новата година се продава легално за рекреативна употреба во Илиноис.
Меѓу првите клиенти беше и заменичката на гувернерот на Илиноис Џулијана Страттон, која купи гумени бонбони со марихуана. Таа рече дека администрацијата на Илиноис презела важен чекор напред со легализирање на канабисот.
- Тука сум за да го прославам големиот ден за Илиноис, рече Стратон.
Во Илиноис веќе беше легализирана употребата на медицинска марихуана и сега е 11-та држава што дозволува продажба и рекреативна употреба.
Властите на Илиноис се надеваат дека до 2022 година оваа држава ќе заработи 250 милиони долари од канабисот.
Клучен дел од новиот закон е амнестијата за оние кои имале мали правни проблеми со марихуаната. На последниот ден од старата година, амнестирани беа повеќе од 11.000 луѓе.