ГН на Велика Британија: Пол-позицијата за Верстапен
- Холанѓанецот Макс Верстапен во болидот на Ред Бул победи на првите „спринт квалификации“ и со тоа ја обезбеди пол – позицијата спроти утрешната трка во Формула 1 за Големата награда (ГН) на В
![ГН на Велика Британија: Пол-позицијата за Верстапен](https://new.mia.mk/index.php/images/20221107232924_big_730x400_7.webp )
Силверстон, 17 јули 2021 (МИА) - Холанѓанецот Макс Верстапен во болидот на Ред Бул победи на првите „спринт квалификации“ и со тоа ја обезбеди пол – позицијата спроти утрешната трка во Формула 1 за Големата награда (ГН) на Велика Британија.
Во премиерното издание на спринт квалификациите, кои се возеа нешто повеќе од 100 километри и 17 кругови, Верстапен триумфираше со време од 25 минути, 38.426 секунди.
Второто место го освои актуелниот светски првак, Британецот Луис Хамилтон (Мерцедес) со 1.430 секунди заостанување, додека трет беше неговиот клупски колега Финецот Валтери Ботас со 7.5 секунди заостанување.
Освен пол - позицијата за утрешната трка, која се очекува да привлече 140.000 гледачи крај патеката во Силверстон, холандскиот возач Верстапен освои и три бодови, Хамилтон два, а Ботас еден бод. ег/ми/