Гладков: Четворица цивили повредени во украинското гранатирање на регионот Белгород
- Четворица цивили се повредени во украинското гранатирање на градот Шебекино и селото Нова Таволжанка во Белгородската област, изјави гувернерот на овој регион во Русија, Вјачеслав Гладков.
![Гладков: Четворица цивили повредени во украинското гранатирање на регионот Белгород](https://new.mia.mk/index.php/images/20240716101423_big_730x400_32.webp )
Киев, 16 јули 2024 (МИА) - Четворица цивили се повредени во украинското гранатирање на градот Шебекино и селото Нова Таволжанка во Белгородската област, изјави гувернерот на овој регион во Русија, Вјачеслав Гладков.
Тој рече дека во Шебекино се оштетени стакла на две станбени згради, пет куќи и осум автомобили.
„Оштетен е и енергетски објект, гасовод и линии за снабдување со струја, поради што дел од градот е без струја“, додаде Гладков.
Регионот Белгород се наоѓа на западот на Русија, на границата со Украина, а од почетокот на рускиот напад врз Украина во февруари 2022 година, често е цел на гранатирање на украинските сили. паг/
Фото: МИА архива