Букурешт, 6 април 2024 (МИА) - Германскиот канцелар Олаф Шолц денеска ќе пристигне во посета на Романија. Во Букурешт тој ќе биде примен од премиерот Марсел Чолаку, се вели соопштението на Владата.

Како што е наведено, ќе се разговара за прашања од билатералната политика, безбедносната и економската политика.

По средбата со Чолаку, сојузниот канцелар ќе учествува на тркалезна маса со претставници на бизнисот, а подоцна ќе учествува и на конференција посветена на средбата на лидерите на Партијата на европските социјалисти. На настанот се очекува да присуствуваат и европскиот комесар за работни места и социјални права Николас Шмит, кој е кандидат на ПЕС за претседател на Европската комисија, како и претседателот на ПЕС, Стефан Ловен.

Посетата на германскиот канцелар на Романија доаѓа во контекст на подготовките на Европа за јунските избори.

Претседателот на Европскиот совет Шарл Мишел, белгискиот премиер Александре де Кроа, унгарскиот премиер Виктор Орбан и хрватскиот премиер Андреј Пленковиќ во средата беа во Букурешт на средба со претседателот Клаус Јоханис за консултации за Стратешката програма на Европската унија. паг/

Фото: МИА архива