Герила акција против лажните вести во Скопје: Отвори си ги очите, ако мижиш, ќе те лажат!
- На повеќе локации низ Скопје анонимни активисти денеска поставија макети од мобилни телефони на чии екрани се претставени некои од најчесто употребуваните и најштетните дезинформации во пласи
![Герила акција против лажните вести во Скопје: Отвори си ги очите, ако мижиш, ќе те лажат!](https://new.mia.mk/index.php/images/20221113133653_big_730x400_28.webp )
Скопје, 14 мај 2022 (МИА) - На повеќе локации низ Скопје анонимни активисти денеска поставија макети од мобилни телефони на чии екрани се претставени некои од најчесто употребуваните и најштетните дезинформации во пласирани во земјава.
Покрај секоја од лажните вести напишана е по една народна поговорка или адаптација на народна мудрост која укажува на штетноста, неморланоста и опасноста од манипулациите врз населението.
- АСНОМ е избришан од Уставот - Отвори си ги очите, ако мижиш, ќе те лажат!, наведено е на едната макета.
- Со договорот од Преспа станавме Северномакедонци - На лагата и се куси нозете, а долги опашките!, се порачува од друга.
- Путин ја ослободува Украина од фашизмот - Отвори си ги очите, ако мижиш, ќе те лажат!, гласи пораката на трета макета.
- Се градат кампови за Македонија да на населат стотици илјади мигранти - Проверувањето е мајка на знаењето, три пати провери еднаш сподели!, порачуваат авторите на герила акцијата.
- За само две недели ова ќе ви го промени животот - Што ќе кликнеш тоа ќе жнееш!, гласи пораката на една од макетите од акцијата. сп/
![герила акција 0](/articles/images/%d0%b3%d0%b5%d1%80%d0%b8%d0%bb%d0%b0-%d0%b0%d0%ba%d1%86%d0%b8%d1%98%d0/7uQeOLCPv/placeholder.webp?use_watermark=0)
![герила акција 3](/articles/images/%d0%b3%d0%b5%d1%80%d0%b8%d0%bb%d0%b0-%d0%b0%d0%ba%d1%86%d0%b8%d1%98%d0/plQITr2qw/placeholder.webp?use_watermark=0)
![герила акција 2](/articles/images/%d0%b3%d0%b5%d1%80%d0%b8%d0%bb%d0%b0-%d0%b0%d0%ba%d1%86%d0%b8%d1%98%d0/n516XVRLK/placeholder.webp?use_watermark=0)
![герила акција 4](/articles/images/%d0%b3%d0%b5%d1%80%d0%b8%d0%bb%d0%b0-%d0%b0%d0%ba%d1%86%d0%b8%d1%98%d0/Kg9mgNs5L/placeholder.webp?use_watermark=0)
![герила акција 1](/articles/images/%d0%b3%d0%b5%d1%80%d0%b8%d0%bb%d0%b0-%d0%b0%d0%ba%d1%86%d0%b8%d1%98%d0/vGx8CBUJy/placeholder.webp?use_watermark=0)