Скопје, 7 октомври 2024

Членот на ЦО на СДСМ  и градоначалник на општина Центар, Горан Герасимовски, во гостувањето во емисијата Топ Тема рече дека најавите на Владата за мега проект за поддршка на општините не е ништо ново, затоа што секоја влада досега одвојувала големи финансиски средства за поддршка на општините и потенцираше дека има многу нејаснотии.

-Не би го нарекол дека ова е мега проект.  Секоја влада претходно одвојувала пари за општините. И во минатото, претходната Влада, дури и оваа година има одредени општини со големи финансиски средства поддршка. Дополнително има многу нејаснотии она што се најавува.  Не знаеме како ќе функционира оваа распределба на средствата. Дали ќе стигнат до сите општини? Не. Досега има два критериуми, готов проект и по глава на жител. Не знаеме дали ќе се земе урбани или рурални средини?  Не знаеме каков е начинот на искористување? Има многу нејаснотии, рече Герасимовски.

Друго што е многу важно е не само што не може да се реализираат најавените 100 милиони евра до крајот на годината, додаде Герасимовски.

-Како и да е до крајот на годината нема теоретска шанса да се реализираат, максимум од 3-5% од планираните може да се реализираат. Оваа година со сигурност тие средства не можат да се исцрпат, рече Герасимовски.

Општина Центар побарува околу 130 милиони денари, за два проекти, втора фаза за реконструкција на сала Работнички и партерно уредување на Зелен пазар, на барање на граѓаните, рече Герасимовски.

Центар за комуникации со јавноста на СДСМ

__________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.