Скопје, 24 декември 2024 

Градоначалникот на Општина Центар Горан Герасимовски, преку видео обраќање ја честита Новата 2025 година.

Во продолжение, Ви го пренесуваме неговото обраќање во целост:

“Во Центар започнавме нова приказна, приказна која секој ден ја испишуваме заедно.

Оваа година ја завршуваме со уште едно успешно поглавје – изградба на нова градинка и проширување на училиштето „Коле Неделковски“, после педесет години!

2024-та беше година на големи промени и значајни проекти за Општина Центар.

Почнавме со реконструкција на легендарната спортска сала „Работнички“, по повеќе од половина век.

Паметното јавно осветлување донесе безбедност и заштеда низ нашата општина.

Дополнително, со поставување на фотоволтаичните системи во основното училиште „Киро Глигоров“ покажавме дека инвестираме во одржливи решенија кои имаат долгорочна корист за сите нас.

Сето ова е само почеток. Нашата визија за Центар продолжува со исто темпо и енергија.

Во новата година, заедно ќе работиме за подобри училишта, поубави паркови, подобрена инфраструктура и поквалитетен живот за секој од нас.

Но, пред сè, дозволете ми да Ви посакам среќни празници! Нека Новата година донесе здравје, радост и љубов во секој дом.

Да ни е среќна и успешна Новата година!”, истакнува Герасимовски.

Општина Центар

________________________________________________________________________________________ 

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки

фото Општина Центар