Герасимовски: Во Општина Центар создаваме еднакви можности за сите, родовата еднаквост се постигнува преку дела
- Секој од нас има право на еднакви можности без разлика на полот. Да ги промовираме вредностите на еднаквост и почитување. Да промовраме еднаквост во образованието и кариерниот развој и да го слушнеме гласот на оние кои имаат потреба од нас. Само заедно и еднакви можеме да создадеме подобро општество и подобри услови за сите, нагласил градоначалникот на Општина Центар, Горан Герасимовски, на денешниот настан по повод родовиот баланс во институциите.
![Герасимовски: Во Општина Центар создаваме еднакви можности за сите, родовата еднаквост се постигнува преку дела](https://new.mia.mk/index.php/images/20230606094603_big_730x400_1.webp )
Скопје, 6 јуни 2023 (МИА) - Секој од нас има право на еднакви можности без разлика на полот. Да ги промовираме вредностите на еднаквост и почитување. Да промовраме еднаквост во образованието и кариерниот развој и да го слушнеме гласот на оние кои имаат потреба од нас. Само заедно и еднакви можеме да создадеме подобро општество и подобри услови за сите, нагласил градоначалникот на Општина Центар, Горан Герасимовски, на денешниот настан по повод родовиот баланс во институциите.
Герасимовски, кој говорел на настанот „Родов активизам – чекот за исполнети соништа“, организиран од МТСП споделил дека Општина Центар е мала институција која може да биде пример за отворање еднакви можности за двата пола. И само преку примери, посочил, младите може да научат за вистинските вредности и како да се имплементираат во секојдневното живеење. Притоа, напоменал дека во општината има девет сектори и две независни одделенија во кои мнозинството на раководителите се жени. Советот на општината брои 23 советници, од кои 11 се жени и 12 мажи. Со општинскиот совет веќе втор мандат претседава жена – претседавачка. Додека во надлежност на Општина Центар има осум основни училишта и три детски градинки, кои ги раководат директорки – жени.
- Овие бројки зборуваат дека Општина Центар можеби е малку родово неизбалансирана, секако во корист на жените. Но, ова се случува затоа што на сите наши вработени им се дадени еднакви можности за професионален развој и сите овие жени кои стигнале до највисоките административни позиции покажале извонредни квалитети, посветеност и професионалност во работењето. Мојата поента е дека до родова еднаквост и родов баланс се стигнува единствено преку дела и активности за препознавање и промоција. Единствено преку обезбедување еднакви можности за сите , рекол Герасимовски, соопштија денеска од Општина Центар.
Напоменал дека во Општина Центар активно работи и Комисија за еднакви можности која преку својата годишна програма реализира низа активности за одржување и промоција на родовиот баланс во општината. Дополнително се организираат и едукации и квалификации за невработени лица како помош во градењето на подобра иднина. цр/
Фото:Општина Центар