Георгиевски не успеа да избори пласман на Олимпијадата во Париз
- Македонскиот таеквондист Дејан Георгиевски не успеа да обезбеди норма за учество на Олимписки игри во Париз 2024.
![Георгиевски не успеа да избори пласман на Олимпијадата во Париз](https://new.mia.mk/index.php/images/20240309165217_big_730x400_24.webp )
Софија, 9 март 2024 (МИА) – Македонскиот таеквондист Дејан Георгиевски не успеа да обезбеди норма за учество на Олимписки игри во Париз 2024.
Георгиевски загуби во четвртфиналето на квалификациите во Софија, Бугарија.
Во денешната четвртфинална борба Георгиевски беше поразен од Белорусинот Плонес.
Така, Георгиевски нема да има можност да го брани сребрениот медал освоен на Олимпијадата во токио пред три години.
На квалификациите во Софија утре ќе настапи македонската таеквондиста Милијана Релјиќ. Борбите почнуваат од 10 часот. зс/
Фото: ЕПА