Генералштаб на Украина: Најжестоките борби продолжуваат кај Бахмут и Маринка
- Генералштабот на вооружените сили на Украина соопшти дека најжестоките борби со руските војници се уште се водат кај Бахмут и Маринка, на истокот на Украина.
![Генералштаб на Украина: Најжестоките борби продолжуваат кај Бахмут и Маринка](https://new.mia.mk/index.php/images/20230502094803_big_730x400_26.webp )
Киев, 2 мај 2023 (МИА) - Генералштабот на вооружените сили на Украина соопшти дека најжестоките борби со руските војници се уште се водат кај Бахмут и Маринка, на истокот на Украина.
Се наведува дека руските сили се обидуваат да нападнат на правецот Бахмут, а борбите продолжуваат во градот, пренесува Униан.
Во правец на Авдијивка, руската офанзива во областите на населбите Северноје и Первомајское не беше успешна, додаваат од украинскиот Генералштаб.
Според Генералштабот на вооружените сили на Украина, продолжуваат нападите на руските сили врз Маринка. паг/
Фото: ЕПА