Габриел Бајрам призна вина за насилство и доби казна затвор од три месеци
- Советникот во Град Скопје и син на починатиот пратеник Амди Бајрам, Габриел Бајрам, доби казна затвор од три месеци, откако пред Кривичниот суд во Скопје ја призна вината за сторено насилство
![Габриел Бајрам призна вина за насилство и доби казна затвор од три месеци](https://new.mia.mk/index.php/images/20221113204841_big_730x400_57.webp )
Скопје, 26 август (МИА) - Советникот во Град Скопје и син на починатиот пратеник Амди Бајрам, Габриел Бајрам, доби казна затвор од три месеци, откако пред Кривичниот суд во Скопје ја призна вината за сторено насилство во угостителски објект во Скопје, потврдија за МИА од судот.
Кривичната пријава за Бајрам беше поднесена откако на семејна веселба во угостителски објект во Скопје, заедно со неговиот син, повредил еден од вработените и го кршел инвентарот во објектот.
Неговиот син доби условна казна затвор од три месеци која нема да се реализира доколку во рок од една година не стори ново кривично дело.
Бајрам, кој веќе помина еден месец во притвор во затворот во Шутка, правосилноста на одлуката ќе ја чека во домашен притвор. ар/аа/