Вучиќ: Србија треба да ги диверзифицира изворите на енергенти со Северна Македонија и Бугарија
- Во денешното интервју за американската ТВ мрежа „Њузмакс“, српскиот претседател Александар Вучиќ изрази очекување дека ќе надвладее мир во светот и дека ќе се постигне компромисно решение меѓ
![Вучиќ: Србија треба да ги диверзифицира изворите на енергенти со Северна Македонија и Бугарија](https://new.mia.mk/index.php/images/20221113224710_big_730x400_19.webp )
Белград, 21 септември 2022 (МИА) - Во денешното интервју за американската ТВ мрежа „Њузмакс“, српскиот претседател Александар Вучиќ изрази очекување дека ќе надвладее мир во светот и дека ќе се постигне компромисно решение меѓу Русија и Украина и оцени дека рускиот претседател Владимир Путнин не блефира кога зборува за своите идни потези, јави дописиникот на МИА од Белград.
Вучиќ, кој беше во студиото на „Њузмакс“ со Ричард Гренел, поранешен специјален пратеник на американскиот претседател Доналд Трамп, рече дека Србија мора да види како да ги диверзифицира своите извори на енергија.
-Гледаме како да го диверзифицираме нашето снабдување со енергенти. Градиме интерконектори на границите со Бугарија и Северна Македонија. Вие баравте, г-дине Гренел, да разбереме колку економските врски се важни во нашиот регион. Реконструкција на инфраструктурната мрежа Гледаме дека трговската размена меѓу Србија и САД денес е поголема од кога било, дури 1,2 милијарди, рече Вучиќ.
Новинарот на „Њузмакс“ оцени дека Западот е загрижен по обраќањето и изјавата на Путин за можното искористување на сите воени капацитети и го праша Вучиќ, кој неколкупати се има сретнато со рускиот лидер, дали мисли дека рускиот претседател блефира.
-Се надеваме дека мирот ќе победи и дека сите ќе направат се за да се постигне компромис. Тоа е подобро отколку да чекаме нечиј пораз. Се сретнав со Путин неколку пати и не верувам дека блефира. Тоа е се што можам да кажам, кажа Вучиќ на прашањето за најавата на рускиот претседател. об/нд/