Гевгелија, 7 јули 2022(МИА) - Градоначалникот на Oпштина Гевгелија, Андон Сарамандов, денеска приреди прием за првенците на генерација од четирите основни училишта во општината. Во оваа прилика Сарамандов им го честиташе успехот на првенците Софија Иванова и Ѓорги Новаков од Гевгелија, Димитар Боболков од Негорци и Леонид Цуклев од Миравци, врачувајќи им ги решенијата за паричните награди од по 10.000 денари. -Вашиот избор за учење нека ви биде вистинска одлука која понатаму ќе ве води кон исполнување на зацртаните цели. Продолжете да освојувате нови знаења со кои ќе ја оформите и изградите вашата личност, а ние сме тука да ве поддржиме и мотивираме активно да се вклучите во креирањето на младински политики и да дадете придонес во развојот на нашата општина, рече Сарамандов. им/ки/