Во Херсон ранети пет лица, меѓу нив и тригодишно девојче
- Во руското ракетно гранатирање на Херсон денеска пет лица се повредени, меѓу кои и едно тригодишно девојче, изјави украинскиот министер за внатрешни работи Игор Клименко.
![Во Херсон ранети пет лица, меѓу нив и тригодишно девојче](https://new.mia.mk/index.php/images/20231119163340_big_730x400_27.webp )
Киев, 19 ноември 2023 (МИА) - Во руското ракетно гранатирање на Херсон денеска пет лица се повредени, меѓу кои и едно тригодишно девојче, изјави украинскиот министер за внатрешни работи Игор Клименко.
„Сите се здобиле со рани од шрапнел, а внуката и бабата се повредени додека биле во нивниот двор. Тие биле погодени од непријателска артилерија во близина на влезот“, напиша Клименко на Телеграм, пренесува Гардијан.
Украинските власти денеска соопштија и дека во синоќешните руски ракетни напади врз југоисточниот регион две лица загинале, а најмалку седуммина се повредени.
Нападите се случија откако воздухопловните сили на Киев соопштија дека Русија истрелала 38 беспилотни летала на нејзина територија во текот на ноќта - најголем број пријавени во повеќе од шест недели. паг/
Фото: МИА архива