Во Франција уапсен маж кој за еден месец 27.000 пати се јавил во полиција
- Француската полиција приведе 47-годишен маж во Лион поради вознемирување откако за еден месец 27.000 пати се јавил на телефон во полициски и жандармериски станици
![Во Франција уапсен маж кој за еден месец 27.000 пати се јавил во полиција](https://new.mia.mk/index.php/images/20221107111435_big_730x400_40.webp )
Париз, 21 мај 2021 (МИА) - Француската полиција приведе 47-годишен маж во Лион поради вознемирување откако за еден месец 27.000 пати се јавил на телефон во полициски и жандармериски станици.
Приведениот, чиј идентитет не се открива, од 7 април до 18 мај се јавувал во полиција и во жандармерија и ако се јавеле жени, зборувал за секс.
Вкупно 34 лица се жртви на неговото вознемирување.
Тој е уапсен во средата во хотел на периферијата на Лион, а по психијатриско вештачење одреден му е притвор и треба да биде испрашан пред истражен судија. ми/