Во Украина заминале да војуваат против Русија 150 албански државјани, а загинале 51
- Руското Министерство за одбрана објави информација со билансот од странски платеници, кои во моментов се борат на фронтот на украинска страна во која стои дека од почетокот на инвазијата во У
![Во Украина заминале да војуваат против Русија 150 албански државјани, а загинале 51](https://new.mia.mk/index.php/images/20221113180434_big_730x400_32.webp )
Тирана, 13 јули 2022 (МИА) - Руското Министерство за одбрана објави информација со билансот од странски платеници, кои во моментов се борат на фронтот на украинска страна во која стои дека од почетокот на инвазијата во Украина заминале 150 албански државјани, јави дописничката на МИА од Тирана.
- Од објавената статистика од почетокот на инвазијата во Украина, на 24 февруари годинава заминале 150 лица од Албанија, од кои 51 загинале. Во билансот стои и дека 45 албански платеници досега ја напуштиле Украина, а 54 остануваат да војуваат, јави Ора њуз.
![список воени платеници](/articles/images/%d0%b2%d0%be-%d1%83%d0%ba%d1%80%d0%b0%d0%b8%d0%bd%d0%b0-%d0%b7%d0%b0%d/4YASAHNvX/placeholder.webp?use_watermark=0)
Телевизијата пренесува бројки и за платеници од Косово, од каде на украинска страна заминале да се борат 156, загинале 69, ја напуштиле 62, додека 25 останале да војуваат.
- Според руското министерство кое наведува дека ги следи и ги регистрира по име сите странски платеници кои пристигнале во Украина за да учествуваат во воените дејствија, до сега над 7.000 платеници од целиот свет се приклучиле кон украинските борци. Најбројни се оние од Полска или 1.800, наведува телевизијата. вт/паг/