Скопје, 27 февруари 2025 (МИА) - Во рамки на активностите на полициските службеници на ниво на целата држава биле издадени 732 платни налози. Од нив, соопштија денеска од МВР, 214 се однесуваат на непрописно паркирање, а 194 за непочитување на пропишаната брзина на движење.

По однос на прекршоците по основ на неносење сигурносен појас и говорење на мобилен телефон при возење, евидентирани биле 57, односно 25 прекршоци.

- Полициските службеници исто така детектираа 65 лица што учествувале во сообраќајот без возачки дозволи, во три случаи откриени се возачи кои управувале возило под дејство на алкохол, а санкционирани се и 15 пешаци кои не ги почитувале прописите. Откриени се и 21 нерегистрирано возило во сообраќајот, а четири возила се исклучени од сообраќај поради техничка неисправност, следствено одредбите од Законот за возила, соопштија од МВР. цр/ац/

Фото: МИА архива