Струмица, 5 јануари 2025 (МИА)-Утре на Бадник, 6 јануари, Фондацијата „Елеуса“ во соработка со Струмичката епархија и Школата за веронаука при храмот ,,Св. Кирил и Методиј", а под покровителство на Општина Струмица и годинава традиционално организира Бадникарски концерт.

Како што соопштија од Фондацијата „Елеуса“, одбележувањето на Бадник ќе почне со Бадникарска литија од Црквата „Свети Кирил и Методиј“, која ќе се движи до зградата на Општина Струмица, каде младите бадникари ќе бидат пречекани од градоначалникот Костадин Костадинов и Викарниот епископ Стобиски Јаков, кои ќе им поделат новогодишни пакетчиња на децата.

Веднаш потоа е закажан хуманитарниот Бадникарски концерт на Плоштадот „Гоце Делчев“, каде со богата црковна и културно-уметничка програма ќе биде одбележан Бадник.рт/вг/

Фото: Фондација Елеуса