Во сообраќајна несреќа загина Благоја Георгиевски-Буштур
- Македонската кошаркарска легенда Благоја Георгиевски-Буштур синоќа го загуби животот во тешка сообраќајна несреќа во скопската населба Кисела Вода.
![Во сообраќајна несреќа загина Благоја Георгиевски-Буштур](https://new.mia.mk/index.php/images/20221102171311_big_730x400_22.webp )
Скопје, 30 јануари 2020 (МИА) – Македонската кошаркарска легенда Благоја Георгиевски-Буштур синоќа го загуби животот во тешка сообраќајна несреќа во скопската населба Кисела Вода.
Поради лизгавиот коловоз Буштур загубил контрола над возилото со кое управувал, излетал од патот и удрил во бетонски блок.
Благоја Георгиевски, роден на 15 октомври 1950 година во Скопје, долги години беше член на Работнички. Со успех настапуваше и за југословенската репрезентација со која има сребрен медал на Европското првенство во 1971 година. Има и сребрен медал од Олимпијадата во 1976 година. Во независна Македонија беше селектор на сениорската репрезентација, тренер во неколку клуба, а подоцна и истакнат спортски работник. зс/
![Благоја Георгиевски – Буштур сообраќајна несреќа](/articles/images/vo-soobra-a-na-nesre-a-zagina-blago-a-georgievski-bushtur/fnpBi9UBq/placeholder.webp?use_watermark=0)
![Благоја Георгиевски – Буштур сообраќајна несреќа](/articles/images/vo-soobra-a-na-nesre-a-zagina-blago-a-georgievski-bushtur/e4yFMRbjB/placeholder.webp?use_watermark=0)
![Благоја Георгиевски – Буштур сообраќајна несреќа](/articles/images/vo-soobra-a-na-nesre-a-zagina-blago-a-georgievski-bushtur/XR2iLZUFs/placeholder.webp?use_watermark=0)